SCAPA OSELETO

Scapa, oseléto, ciuféto,
becheto de oro,
violin de passaia,
oceti che vola,
piuméta che canta,
vosséta de cielo, scapa.

Scapa, finchéto
montan, seleghéta, scapa.

Scapa, sesalìn de la mama
che in tuta l'istà
la te gà ben insegnà
a cantare, volare,
magnare fojéte,
baéti e bisséti, scapa.

Scapa, bechéto de oro,
violin de la mama
che desso la vola
sigando, pianzendo
col core che sciopa:
Domatina i ve copa!

per segnalazioni scrivimi